啉咖啡ê經驗 (投稿第18期台客詩刊)

每一日早起我攏會沖一杯á咖啡來啉(喝)，因為咖啡ē-thang予我ê精神khah好、khah集中，做代誌khah有活力。我攏是啉三合一ê咖啡，這種咖啡真方便，只要手頭有一個杯á，一包咖啡kap燒滾水，tio̍h會使泡出一杯真芳ê咖啡。雖然三合一咖啡啉起來kap咖啡豆磨碎所煮--ê相比，差足濟！滋味卡單薄，沒咖啡豆煮ê hia-ni(那麼)豐富，hia-ni á濟ê層次，伊ê價數卡kē (低)，咖啡因mā khah少，khah適合我ê需求。

(每天早起我都會沖一杯咖啡來喝，因為咖啡能讓我的精神比較好、比較集中，做事比較有活力。我都是喝三合一咖啡，這種咖啡很方便，只要手頭有一個杯子，一包咖啡與熱開水，就能夠泡出一杯很香的咖啡。雖然三合一咖啡喝起來與咖啡豆磨碎所煮的相比，差很多！滋味較單薄，沒咖啡豆煮的那麼豐富，那麼多層次。它的價錢較低，咖啡因也較少，較適合我的需求。)

會記得小漢ê時，每一擺看tio̍h咖啡、咖啡牛奶，我攏閃kah hng-hng-hng(遠遠遠)。咖啡牛奶啉起來苦苦擱沒甜，而且啉煞了後沒偌久tio̍h腹肚怪怪，ài去走便所，hit當時我沒法度了解為啥咪有hia-ni濟人愛啉這款怪怪ê物件？為啥咪這種飲料ē-thang tī市場大賣？一直到大學，我才接受咖啡ê滋味，才慢慢á體驗tio̍h伊美好ê一面。

(還記得小的時候，每次看到咖啡、咖啡牛奶，我都閃的遠遠的。咖啡牛奶喝起來苦又沒有甜份，而且喝了沒多久，腸胃較怪怪的，要去跑廁所，那時我無法理解為何有那麼多人愛喝這種怪怪的東西？為什麼這種飲料能在市場大賣？直到大學，我才接受咖啡的滋味，才慢慢體驗了它美好的一面。)

tu-chia (剛剛)啉ê時陣，因為腸胃無法度適應，感覺人沒爽快，甚至有當時á (有時候) ài chhiong(衝)去便所，m̄-koh為tio̍h欲提神，我抑是忍受--á。我不敢啉「統一」「畢德麥雅」系列kap「韋恩咖啡」，in(它們) ê咖啡因超過500 ppm，啉落去，不担(但)會影響消化，抑擱會(還會)規個人(整個人)皮皮挫，boē輸(好像)身軀內底有一台失去控制ê馬達，所以我攏選Latte、Cappuccino、Mocha……來啉，抑是 chit寡(這些)有摻牛奶ê咖啡，一直啉kap chit-má (現在)。

(剛喝的時候，因為腸胃無法適應，感到不適，甚至有時要跑廁所，不過為了提神，我還是忍受了。我不敢喝「統一」、「畢德麥雅」系列跟「韋恩咖啡」，這些品牌的咖啡因超過500ppm，喝下去，不但會影響消化，還會整個人顫抖，好像體內有一台失去控制的馬達，所以我都選Latte、Cappuccino、Mocha……來喝，或是那些有加入牛奶的咖啡，一路喝到現在。)

黑咖啡是我想beh啉m̄-koh沒sann敢(不太敢)啉ê物件，每禮拜才啉一、兩杯nia-nia(而已)。想beh啉ê原因只有一個，黑咖啡ê味比三合一、Latte、Cappuccino.....khah有深度，含tī咀(嘴)內底ē-thang發覺伊ê苦澀kap鹹酸。沒仝款ê黑咖啡，伊苦澀鹹酸ê組合mā沒仝。曼德寧有一種深沉ê苦味，巴西曼德寧除了苦之外，iáu-ū (還有)淡薄á酸酸ê味，藍山咖啡啉起來有一種kiâm-tānn擱酸澀ê味。黑咖啡ê咖啡因guan(高)，需要卡濟時間來泡，而且咖啡豆價數kuân，所以我攏是啉阿爸煮ê咖啡(伊每禮拜六kap拜日下晡煮)。只有一兩擺，每個月平均一擺(次)去外靠咖啡店點黑咖啡來啉。

(黑咖啡是想喝但不太敢喝的東西，每星期才喝一、兩杯而已。想喝的原因只有一個，黑咖啡的味道比三合一、Latte、Cappuccino……更有深度，含在嘴巴裡，能發覺它的苦澀與鹹酸。不同種的黑咖啡，苦澀鹹酸的組合也不同。曼德寧有一種深沉的苦味，巴西曼德寧除了苦之外，還有一點點酸酸的味道，藍山咖啡喝起來有一種鹹又酸澀的味道。黑咖啡的咖啡因高，需要較多時間來泡，而且咖啡豆價錢高，所以我都是喝父親煮的咖啡(他每週六、日下午煮)。只有一兩次，我每個月平均一次去外面的咖啡店點黑咖啡飲用。)

市面上三合一ê咖啡足濟，我啉過麥斯威爾、雀巢系列、UCC、台灣古坑咖啡(三合一、二合一攏有)、CNI牌ê「東哥阿里」俗稱「銀」咖啡，iáu-ū (還有)「金」咖啡(兩種沒仝口味ê咖啡用金kap銀ê tē-á (袋子)包裝)。早先是啉麥斯威爾kap雀巢，m̄-koh發覺in (它們) ê咖啡是南韓、中國大陸做ê，對in ê品質有淡薄--á懷疑，所以後來我tio̍h改啉UCC。其實其他牌子ê咖啡，有ê咖啡豆mā是大陸加工過來台灣ê，沒tio̍h是tī東南亞國家做ê，實在沒差偌濟，煩惱沒效。

(市面上三合一的咖啡很多，我喝過麥斯威爾、雀巢系列、UCC、台灣古坑咖啡的三合一、二合一都有，CNI牌的「東哥阿里」俗稱「銀」咖啡，還有「金」咖啡。兩種不同口味的咖啡用金與銀色的袋子包裝。之前喝麥斯威爾與雀巢，不過發現兩者的咖啡是南韓、中國大陸做的，對其品質有一點點懷疑，所以後來我改喝UCC。其實其他牌子的咖啡，有的咖啡也是大陸加工再進口到台灣，不然就是在東南亞國家製造，實在沒多少差別，煩惱無用。)

台灣現仔時有真濟ê咖啡店，而且經營ê方式有百百款。有ê賣咖啡兼賣咖啡豆，mā有ê賣咖啡擱賣簡餐kap雞卵糕，有ê甚至hām(和)茶作伙賣。除了hia--ê (這些)咖啡店，西餐廳、Pasta(義大利麵店) 、簡餐店內底ê飲料，攏mā有咖啡，ē-thang想tio̍h ê是：咖啡已經晟作咱平常ê物件，已經變作台灣人主要ê飲料，咖啡文化mā慢慢-- á本土化……咖啡ê地位kap茶na來na接近--á！

(台灣現在有眾多咖啡店，而且經營的方式百百種。有的賣咖啡兼賣咖啡豆，也有的賣咖啡又賣簡餐與蛋糕，有的甚至跟茶一起賣。除了這些咖啡店、西餐廳、義大利麵店、簡餐店的飲料，也都有咖啡。我能想到的是：咖啡已經成為我們日常生活的東西，已經變成台灣人主要的飲料，咖啡文化也慢慢本土化……咖啡的地位與茶越來越接近了！)

這篇文章刊登在第18期台客詩刊的母語詩文

記2010年6月6日呂興昌老師的演講 (刊登在「台客詩刊」第11期)

2010年6月6日，府城舊冊店3樓，有一場真趣味ê演講。主辦單位邀請呂昌興教授演講，題目是「阮ê故鄉是南都──台語歌謠ê在地意識」，內容是呂教授長年研究台灣流行歌ê心得。現場十幾個聽眾，一寡人是當地知名ê音樂研究者kap歌手，「二王二后演唱會」ê演唱者黃南海先生kap王淑汝小姐，當時人在現場。

*「ê」：的。
*「kap」：和、與，連接詞。

呂興昌教授近年從事台語流行歌ê研究kap教學。伊tī演講開頭講：「『在地意識』是我最近研究ê重點，以前我khah-常用社會背景kap社會運動ê 觀點探討台語歌謠，但是 chit-má我想欲用文學ê角度來看台語歌謠。呂教授用〈南都夜曲〉、〈菅芒花〉、〈運河悲喜曲〉、〈嵌城春月、鄭祠寒梅、安平晚渡〉、〈阮ê故鄉南都〉kap〈安平追想曲〉等等歌謠，說明這--ê歌謠呈現什麼款在地風情，並且透過歌詞ê具體分析，予大家了解作詞者按怎將伊ê在地意識表現tī歌詞內底。

*「tī」：在。
*「khah」：較。
*「chit-má」：現在。

首先介紹ê歌謠是陳達儒作曲ê〈南都夜曲〉。這首歌tī真濟人ê眼中是一首ē-thang表現台南在地意識， m̄-koh呂教授提出異議，就這首歌當初改編過程kap歌詞ê語詞使用，伊認為：這首歌謠內底雖然有「南都」、「安平港」這兩個地理名詞，但是歌詞其他部份並無台南ê景緻描寫，而且兩個地理名詞是作者忌諱時局所改換ê！也就是：伊當初將原曲〈南京夜曲〉內底ê「南京」換作「南都」，「秦准江水」改換「安平港」，所以〈南都夜曲〉其實無偌濟在地意識。

*「ē-thang」：能夠。
*「m̄-koh」：不過。

第二首介紹ê歌謠是許丙丁ê〈菅芒花〉。呂教授先介紹許丙丁這位作詞家ê文學活動，然後播送歌曲。播送了後 tio̍h一pha一pha賞析歌詞。呂教授tī賞析這首歌ê時陣，講tio̍h兩項真趣味ê代誌。一項是：「自〈菅芒花〉ê歌詞來看，伊ê在地意識沒hiah-nī強，hiah-nī明顯，m̄-koh因為作詞者許丙丁個人ê文學創作有強烈在地性，所以 teh看這首歌ê時，tio̍h會感覺這首歌有『在地』意涵。」第二項是呂教授提醒「一個文學作品hō͘-lâng創造了後，tio̍h有伊獨立ê生命，超出作者原本寫作時所賦予ê意思。」許丙丁ê〈菅芒花〉hō͘-lâng當作表現台南在地意識，tio̍h是伊這首歌獨立ê生命力發展ê結果。

*「tio̍h」：就。
*「一pha一pha」：一段一段。
*「hiah-nī」：那麼。
*「teh」：在。
*「hō͘-lâng」：被人……，後面接動詞。

呂教授後面講tio̍h ê〈運河悲喜曲〉、〈嵌城春月、鄭祠寒梅、安平晚渡〉、〈阮ê故鄉南都〉這-- á ê在地意識tio̍h kha̍h明顯。我聽呂老師解說歌詞了後，才知影作詞者ê在地意識tī啥咪所在呈現，才了解in如何表現tī歌詞內面！親像〈運河悲喜曲〉ê作詞者葉俊麟先生，伊將一件發生tī台南市ê自殺案件寫做歌詞，透過流行歌ê傳唱，予觀眾反思傳統價值觀對有情男女ê束縛，也予人進一步思考：「一個人為了愛情，自我了斷，kám是值得--ê？」

*「tio̍h kha̍h」：更加。
*「in」：他們。
*「kám是」：難道。

除了使用當地發生ê新聞大代誌，在地ê歷史事件kap人物mā是作詞家展現在地意識ê題材。這點，呂教授舉許丙丁ê〈嵌城春月、鄭祠寒梅、安平晚渡〉kap陳達儒作詞ê〈安平追想曲〉特別說明！前一首以描寫台南景緻來表達一段滄桑ê台灣歷史--鄭氏王朝ê興亡；後一首是以「世界性」ê角度來思考「台灣人」ê命運--那位等待「愛人轉來」、「依附愛人而活」ê金小姐，好比是台灣人，將家己ê前途寄託tī別人ê善意，soah換來無盡的失望kap悲傷。

*「mā」：也。
*「soah」：卻。

另外一首由陳夢蘭演唱、蜚聲作詞ê〈阮ê故鄉南都〉，呂教授用這個例說明：有當時-- á (註：中文作「有時候」)一首有在地意識ê歌曲沒一定ài出現這個所在ê地名，mā  ē-sái將當地有代表性ê人、事、物表現出來。這首歌是teh表現一個離鄉背井ê少女接tio̍h老爸批信ê心情。作詞者不但用「批信內容」描寫南都人ê生活情況，而且利用「阮」(也就是「少女」這個角色) 對南都ê思念kap過去tī南都生活ê記持，抒發自身對南都ê感情。呂教授認為，這首歌確實有「在地」ê色彩！

*「ài」：要。
*「ē-sái」：能夠。
*「teh」：在。
*「接tio̍h」：接到。
*「記持」：記憶。

呂教授ê分析非常精彩！伊一面使用PPT展示歌詞，一面放送歌曲，結果吸引在場聽眾ê心！有--ê人甚至會對teh唱！可惜時間有限，伊沒有法度呈現所有ê歌曲。會後大家kap呂教授合影，合影了後，一寡人意猶未盡，繼續留tī會場，kap呂教授討論一段時間，才心滿意足離開。

*「放送」：播放。

台客詩社有收客詩文、台語詩文！
圖：台客詩刊第11期封面。

詩題：霾害 (發表在「台客詩刊」第12期、2019年6月「台客詩畫會」)

詩題：霾害

是誰用水墨畫這幅圖？

畫面hiah-nī-á 蕭瑟？

沒孤立siau-sán ê 山頭，

mā 沒美麗ê 樹á，

只有樓á厝kuân-kuân-kē-kē，

hōo霧遮tiâu --leh！

人hām車mā時隱時現！

是誰用水墨畫這幅圖？

心境hiah-nī-á消極厭世？

毋願看到紛繽ê色彩，

自由展現，

ngē-beh-tshiong (硬是將) 物件tshòng kah

霧霧霧！

頗有現代感的台客詩刊第12期封面